Kultura dhe arti ka qenë për vendin tonë, një hapësirë që gjithnjë ka prodhuar vepra të rëndësishme, një pjesë e të cilave janë shfaqur edhe në Teatër.
Një shembull të tillë ka rikujtuar Drejtoria e Përgjithshme e Arkivave. Në një status në Facebook, AQSH është kthyer pas në vitet ’20-’30 me një sërë shfaqjesh që janë dhënë në Tiranë, Elbasan, Shkodër dhe Korçë.
Bëhet fjalë për tragjedinë “Skënderbeu” me 5 akte të Et’hem Haxhiademit. Ndërkohë që ajo që bie në sy në fletushkën që shpërndahej në atë kohë, është shënimi se fondet e mbledhura nga shfaqja do të përdoren për sjelljen e eshtrave të poetit kombëtar Naim Frashëri në atdhe.
“Skënderbeu”, tragjedi me 5 akte prej Et’hem Haxhiademit.
Me të drejtë Shkodra dhe Korça kanë famën e qyteteve ku arti dhe kultura kanë njohur zhvillime më të theksuara se në qytete të tjera të Shqipërisë. Megjithatë, në Fondin “Lef Nosi” të AQSh haset një numër i madh ftesash, fletushkash informative apo pllakata shfaqjesh artistike që janë dhënë në Tiranë apo Elbasan, së shumti gjatë viteve ’20-’30 të shekullit të shkuar. Një prej tyre pllakatave është ajo që lajmëron shfaqjen e tragjedisë me 5 akte “Skënderbeu” shkruar prej Et’hem Haxhiademit dhe shfaqur në vitin 1937 në Kino-Theatër “Nasional”. Interesant është shënimi në pllakatë: fondet e mbledhura nga shfaqja do të përdoren për sjelljen e eshtrave të poetit kombëtar Naim Frashëri në atdhe.” thuhet në postim
Kujtojmë se ky vit është shpallur edhe Viti Mbarëkombëtar i Gjergj Kastrioti Skënderbeut.
